axalcixis municipaliteti  
  

 

  

sayuneTi

სოფელი ახალციხის მუნიციპალიტეტში, აგარის თემში. მდებარეობს ახალციხის ქვაბულში, მდინარე მტკვრის მარჯვენა მხარეს, ზღვის დონიდან 900 მ, ახალციხიდან 22 კმ. სოფელში არის საჯარო სკოლა. საბჭოთა პერიოდში სოფელში მოქმედებდა აგარის მებოსტნეობა-მერძევეობის მეურნეობა.

demografia

2014 წლის აღწერის მონაცემებით სოფელში ცხოვრობს 472 ადამიანი.

აღწერის წელი მოსახლეობა კაცი ქალი
2002 593 301 292
2014 472 242 230

eklesia

სოფელში დგას XV-XVI საუკუნეების ქართული ხუროთმოძღვრების ძეგლი - მცირე ზომის დარბაზული ერთაფსიდიანი ეკლესია. შესასვლელი სამხრეთიდან აქვს. კამარა პილასტრებზე ამოყვანილ საბჯენ თაღს ეყრდნობა. კედლები შიგნიდან უხეშად დამუშავებული ქვითაა ამოშენებული. შემორჩენილია შელესილობისა და მოხატულობის ფრაგმენტები. გარედან ეკლესია ჩასმულია ძლიერ ნასვრეტიან ქვის პერანგში. ნაგებობის პროპორციები დაბალია და ფართო. დასავლეთ ფასადზე სარკმლის თავზე გამოსახულია მოჩუქურთმებული ჯვარი, რომლის სამივე მკლავი რელიეფური ბურთულებით არის დასრულებული, საფუძველი კი უშუალოდ სარკმლის საპირეს ერწყმის.

meCeTi

სოფელში ცხოვრობდნენ მუსლიმები, რომლებიც 1944 წელს გადაასახლეს. შემორჩენილია 1927 წელს აგებული მეჩეთი. მდებარეობს ქრისტიანული ტაძრის პირდაპირ. გადმოცემის მიხედვით მეჩეთი აუშენებიათ ადიგენელ მუსლიმებს, ხურცისძესა და იორდანისძეს, რომლებიც მექაში იყვნენ მოსალოცად და უკან დაბრუნებულებმა იმ სოფელს აუშენეს მეჩეთი, რომელსაც არ ჰქონდა. 2012 წელს საყუნეთის მეჩეთს კულტურული მემკვიდრეობის ძეგლის სტატუსი მიენიჭა.

მხარე სამცხე-ჯავახეთის მხარე
მუნიციპალიტეტი ახალციხის მუნიციპალიტეტი
თემი აგარა
კოორდინატები 41°41`12″ ჩ. გ. 43°07`46″ ა. გ.
პირველი ხსენება  
ცენტრის სიმაღლე 900 მ
მოსახლეობა 472 კაცი (2014)
ეროვნული შემადგენლობა ქართველები 98,9 %
სასაათო სარტყელი UTC+4
სატელეფონო კოდი +995

 

 

ასპინძის დროშა ასპინძის გერბი

საყუნეთის წმინდა გიორგის ეკლესია.